sa ibang katawan

Lumilipat sa ibang yugto ng pagtula si Borlongan sa bago niyang koleksiyon. Buong giting niyang nililingon ang batayan ng mga dating hindi pag-imik at ngayon isinasakatawan sa mabubulas na salita ang mga kinimkim na kamalayan at damdamin ukol sa di-makaunawang kapuwa. Tumutulay sa talinghaga at walang gatol na paghahayag ang pagnanais na lagumin ang danas sa mga mata ng pagmamahal. Narito sa malayang berso at malayang pananaw-sa-daigdig ang rubdob na walang pingas ni pag-aalangan.

-Joey Baquiran
Guro at manunulat

Aaminin kong magiging isa sa aking mga inspirasyon ang autobiografikal at confessional na estilo, ang Sa Ibang Katawan ni Lean Borlongan. Ang ikalawang koleksiyon ng mga tula ni Borlongan ay walang pag-aangkin sa mga itinakdang katotohanan at kapalaran kundi ang tanging paglalahad lamang sa realidad ng buhay. Patutunayang ang bawat kataga, taludtod ay di sadyang nakagapos sa wika at pananalinghaga kundi sa malayang paghuhulagway sa sariling imahen. At hindi lamang pagnanaratibo na parang nakatunghay sa isang nakakuwadrong retrato upang siyasatin ang depekto, ang lamat, ang diperensya, ang kakulangan, ang mga hindi kaaya-aya sa ating paningin. Isa itong pangungumpisal ng pagtatasa sa sarili at pagsandig sa pag-iisa upang matunton ang pag-unawa sa kalagayan ng sarili at sa palibot. Ito ang matulaing pagkatay sa pagbubuo ng personal na karanasan at kapalaran tungo sa pagsalat sa ating mga sariling sugat at paghipo sa mga bagay na di maipaliwanag ng ating mga puso.

-Stefani J Alvarez
OFW at awtor ng Ang Autobiografia ng Ibang Lady Gaga

Isang sipat sa daigdig ng may kapansanan ang handog sa atin ni Lean: mga karanasan, mula pagkabata, ng pakikihamok sa isang lipunang hindi handa para sa mga tulad niyang naiiba. Sa kanyang panulat, dama ang hinanakit sa lipunang nagtanggi at patuloy na nagtatanggi sa kanya ng mga bagay na inaasam. Heto’t walang pag-iimbot siyang nagbubukas ng sarili, nagbabahagi ng mga alaala masaya man o hindi (madalas ay ang huli), ibinubunyag na gaya ng lahat, nakadaramdam din siya ng takot, pangamba, pagkasabik, galit, tuwa, lungkot, libog.

Malinaw ang kanyang giit: “Ituring ninyo akong kapatas ngayon.” Kitang ang kanyang pambihirang kamalayan sa sarili ay nalangkapan ng kamulatan bilang bahagi ng kilusang pagbabago. Batid niyang bukod sa mga kaapihang dulot ng kapansanan, marami pang di pagkakapantay-pantay na umiiral sa mundo. At pursigido siyang mag-ambag upang baguhin ang ‘kaayusang’ ito.

-Meg Yarcia
Manunulat

Finding high-quality digital editions shouldn't be a challenge. With instant access to our curated library, you can start your journey with Aftermath immediately. Whether on your phone, tablet, or e-reader, the story of Raleigh's life is presented in a format designed for modern readers.

To get started finding sa ibang katawan, you are right to find our website which has a comprehensive collection of titles listed. Our library is one of the most comprehensive resources for free digital reading materials, providing verified and safe content for book lovers worldwide.